11年楊丞琳去咗轉美國，當時佢同學嘅姐姐介紹靚蕾畀楊丞琳認識，不過食咗成餐飯，原來人哋有個大後台，楊丞琳都唔知。 

FBI

王力宏老婆 wet黐楊丞琳

王力宏（ LeeHom）同李雲迪上週三（ 27日）分別先後公開另一半，翌日 LeeHom仲大方承認已經喺美國時間 11月 27日同正喺美國哥倫比亞大學修讀博士深造嘅女友李靚蕾註冊結婚！玩到咁大，同佢傳過斷背嘅李雲迪仲邊有得鬥？結果咪繼續只談公事，不談感情囉。

講番 LeeHom個老婆李靚蕾先，當 LeeHom開咗佢名之後，唔少網民即刻起底，有傳佢 2月同前男友訂婚，但轉眼就同 LeeHom結婚；仲有同楊丞琳喺 11年嘅合照最詭異，皆因 LeeHom稱同老婆拍拖 10年，但楊丞琳話前年同靚蕾食完成餐飯都唔知對方就係 LeeHom女友，直到上週二人爆出婚訊後楊丞琳至恍然大悟原來李就係王力宏女友！ FBI仲八到，靚蕾都係有錢女一名，身邊玩開嘅唔係富二代就係明星，睇佢衣着打扮都估到啲，但如今竹門配竹門，靚蕾更一改「 wet」味，素顏黐實 LeeHom，又的確幾有賢妻良母 feel嘅！

上週王力宏突然公開女友身份，第二日仲話結埋婚添，緊湊過電視劇。(網上圖片) 

放假中嘅楊丞琳素顏食飯，反而靚蕾（右）就化行妝黐晒假眼睫毛到場，同如今嘅素顏人妻樣差好遠！（網上圖片） 

中日混血兒靚蕾原名西村美智子（ Michiko），一識楊丞琳就同對方玩到癲。（網上圖片）

正喺美國老家度假嘅 LeeHom，週一凌晨 po滑雪相上微博，點解唔見新婚老婆嘅？（網上圖片） 

呢張全家福其實好 sweet，但有唔少網民認為靚蕾係 key出來，算啦，大家都係接受 LeeHom已婚事實罷啦！（網上圖片） 

撰文、攝影： FBI

(繼續閱讀...)