李昇基自年前跟允兒有過一次舞台合作後，就一直視允兒為理想女友，如今女神追到手，當然勁 happy！ 

出外埠

李昇基被揭臭事

2014年一開始，韓國藝能界都好熱鬧，事關一連爆出兩單緋聞。無獨有偶，兩單戀聞嘅女主角都係女子組合「少女時代」成員，率先跑出嘅係允兒同有「國民弟弟」稱號嘅李昇基原來已暗地撻着 4個月。但對一班粉絲嚟講，真係歡喜都唔嚟得切，但可能事件渲染得太高調，令李昇基辣㷫中國粉絲嘅「辱華」臭事再度被挖出！

話說 2012年 8月，李昇基跟隨綜藝節目《 X-MAN》到海南三亞錄製，其中一環節係兩個嘉賓互數對方缺點，當時李昇基指對手（現今國際巨星 PSY）樣樣都好，唯一缺點係同本地人（指中國人）太相似，好樣衰。本來藝人講錯說話好平常，道句歉就冇事。可惜李昇基不單拒絕道歉，仲要整多句：「我又唔去中國發展，唔怕封殺。」因為呢件事，直至今時今日，中國大部分哈韓迷對佢印象都係麻麻㗎！

李昇基曾擔任舊年 11月喺香港舉辦嘅 MAMA頒獎禮司儀，但好多香港觀眾對佢認知度只限於劇集《我的女友是九尾狐》。 


《強心臟》未投身演藝界時，李昇基一直都以演出綜藝節目如《強心臟》等為主打。 

邊個諗到當年慘被李昇基揶揄醜樣嘅 PSY，如今貴為國際巨星呢！ 

Ads by Google

(繼續閱讀...)

訪問當日，王大業帶來近 40件恤衫，即場示範襯法。「以前揀恤衫要 fit cut，依家較 slim cut。有時可以用嚟襯其他衫，好似窩釘領恤衫襯咁 sharp嘅衞衣，一樣可以好 fashion。」Kenzo恤衫　$ 2,500Kenzo衞衣　$ 3,300 

名人潮

王大業　 shirt領男潮

男士衣着打扮向來比女士沉悶， Tee恤、恤衫與牛仔褲可謂必備的配襯服飾。
賭王千金何超雲前男友、皮草業太子王大業（ Andy）出名貪靚。天生屬購物狂的他，衫褲鞋襪數之不盡，每次悉心打扮出動。
其中最誇張算是特別款恤衫，家中收藏過百件。「打理家族生意關係，我經常要見客，所以買落唔少恤衫。其實恤衫唔一定係素色咁悶，都可以有好多顏色、 details，花少少心思撞出
另一味道。」恤衫玩到出神入化，名副其實係時裝精。

(繼續閱讀...)

24歲嘅秀英跟 31歲鄭京浩秘戀一年，惟男方一直否認，如今斷正被影到攬腰拍拖，加上經女方經紀人公司 SM Entertainment承認，故鄭即被網友斥為「大話精」、「沒有承擔的男人」。真係無辜到呢！ 

出外埠

鄭京浩老爸係大導

同為「少女時代」成員戀聞男主角嘅鄭京浩，雖然一樣俾人起底，但就比李昇基好彩得多，只係起出佢老竇係擅長拍倫理劇嘅大導鄭乙泳。原來鄭京浩一直以嚟，從冇對外界透露過私人生活，加上出道冇耐就服兵役，故外界對其家庭背景更加唔清楚；佢老爸呢，一樣口密，更莫說父子同台出現。所以外界一直唔知鄭京浩同鄭乙泳係父子。
男友老竇係大導，對秀英嚟講都係好事，就算「少女時代」解散，佢都唔怕冇嘢撈啦！

鄭乙泳一直反對鄭京浩入演藝圈，故對阿仔爆戀聞只係話：「唔知，唔過問。」睇嚟秀英想入鄭家，先要冧掂老鄭先得嘞！ 

(繼續閱讀...)

NOWnews – 

This entry passed through the Full-Text RSS service — if this is your content and you're reading it on someone else's site, please read the FAQ at fivefilters.org/content-only/faq.php#publishers.

多年恩愛六叔（ 1907~2014）、六嬸相伴大半生依然非常恩愛，二人經常十指緊扣出現，但近兩年，六叔因病情反覆，多留在家安養身體，絕跡任何公開活動。 

打頭陣

風水續命 5年　最後一個月昏迷　六叔遺願建娛樂城

叱咤電視風雲半世紀、人稱「六叔」的邵逸夫爵士，周二（ 7日）在方逸華等家人陪伴下，在家中安詳離世，享年 107歲。
其實，六叔自過了百歲生辰後，體力已大不如前，近半年病況更急轉直下，記憶力衰退，僅認得六嬸一個，而在病逝前一個月，更已長臥在牀上昏迷。
六叔長壽是一種福氣，但據知五年前他曾經歷一次生死考驗。向來篤信風水的六嬸，得高人指點，急急在電視城大擺風水陣，最後六叔化險為夷。老伴經歷這次大劫後，六嬸為防大興土木有礙六叔健康，最後惟有煞停原定在兩年前興建主題酒店的計劃。六叔希望在有生之年興建娛樂城的願望，只能留待枕邊人為他圓夢。

(繼續閱讀...)

怪腰封遮肚雖然楊冪主導這場婚禮，劉愷威負責燒銀紙，但一個願打，一個願捱。加上新娘有餡，難怪新郎錫唔停。 

滾熱辣

峇里直擊　婚禮女家作主　局劉丹封嘴　楊冪惡嫁劉愷威

踏入 2014年不久，娛圈喜事悲事齊來。 39歲的劉愷威，終於抱得美人歸，於去年 10月與 27歲內地女星楊冪秘密註冊。周三（ 8日），二人到峇里補辦婚禮。長駐內地多年的劉愷威，完全感染內地人的土豪特質，足足花了 500萬包下全峇里最貴的 Bvlgari酒店搞喜事，極度奢華。
被指有了 4個月身孕的楊冪，更恃肚橫行。楊冪一早已落禁令，要老爺劉丹不能對外洩露婚禮風聲，搞到一向與傳媒關係要好的劉丹，左右做人難。為怕待慢霸氣新抱，劉丹夫婦更不時陪出陪入，服侍周到。據知今次出席婚宴的賓客，大部分屬楊冪親屬，男家還要讓出半圍主家席俾女家親戚，盡顯楊冪在劉家的尊貴地位。

(繼續閱讀...)

cover face

Amanda& Wyman　好結果

恕我老實，今期， 70後話事，你若生於 80頭，訪問預埋你睇，打後年代，沒份。
黃偉文和李惠敏相識廿一載，雙劍合璧寫/唱盡失戀男女（被人飛）心聲，自此，成為莫逆。
兩個世界，各有體會，地球變了，沒變的，大抵正是好朋友眼中所反映出來的自己吧！

(繼續閱讀...)

強顏歡笑在除夕活動上，阿嬌自爆要趕飛機回港，翌日又趕回內地拍劇，更自嘆落袋唔多。咁辛苦，難得她仍可以在台上陪笑。 

娛樂喧

摸頂買千萬豪宅　阿嬌密做跑數供樓

阿嬌近日一段走音片網上熱爆，之後她亦公開表示，說曾要求公司自己只拍戲唔唱歌。不過，現實是近年阿嬌為供樓，不但冇得揀工作，更不惜降價密食當三番。舊嘅未供完，她去年 5月又以 979萬高價購入「一號•西九龍」豪宅，有兩個物業在手，月供十多萬，阿嬌更加唔做唔得。
雖然長做長有，但要應付供樓、公司抽佣及龐大生活費，阿嬌要長駐大陸拍劇。難怪在大除夕當晚，她亦忍唔住呻：「工作量同入息唔成比例！」

01年， Twins火速竄紅，當時阿嬌連掃多個物業，不過都是短揸，啱價即賣，套現了數百萬作為第一桶金。食髓知味， 07年尾阿嬌再一次過購入兩個羅便臣道 31號中層單位，埋單近三千萬。可惜翌年初爆出牀照事件，阿嬌工作量激減，惟有蝕 130萬賣走羅便臣道其中一個單位。 09年，阿嬌再入市，以 374萬買馬鞍山單位。去年 1月阿嬌見樓市升，將此單位以 535萬放售， 5月出手以高價 979萬買入「一號•西九龍」低層單位。
再入貴樓，阿嬌又要捱過。「牀照事件後，好多品牌嫌阿嬌形象麻麻，唔肯借衫俾佢出 function，只肯俾折扣佢買。阿嬌亦心知要洗底，近年主攻內地市場。以往佢開價 20萬拍一集大陸劇，依家只收 10萬一集，如果套劇超過 18集，仲有折扣。佢要供兩個千萬豪宅，惟有密食當三番。」知情者說。

(繼續閱讀...)

IQ考考笑

梁漢文開題：有咩豬係得一隻腳？

呢期出緊碟嘅梁漢文頻頻出嚟宣傳，正正經經嘅佢出 IQ題都零舍易估，大部分嘅藝人一估就中， Eason更加兩秒唔使就答到，睇怕繼「吹神」之後，媽咪姐都要幫佢起番「 Q神」呢個新朵。

少爺占：「豬腳薑！」

平時好多計仔嘅少爺占，居然俾呢條「幼稚園」題目考起，佢不停亂估答案：「珍珠雞、儍豬、豬腳薑，因為食豬腳薑只可一隻擺喺口，一次過食唔到兩隻。」好似好有道理，不過占爺你諗得太多喇！

Ads by Google

(繼續閱讀...)

Mo媽同行晚上六時許，陳豪梳靚個頭，西裝骨骨到達位於重慶市中心的樓盤展銷會，由工作人員帶領進場。陳豪進場前眉頭緊皺，唔通掛住剛滿月的 Aiden？ 

滾熱辣

480萬重慶做騷　陳豪囝囝滿月酒延期

上月 4日陳茵媺為陳豪誕下重 6磅 11安士的 Aiden，全城恭賀。眨眼囝囝已經滿月，不過陳豪並未為 Aiden擺滿月酒，滿月當日還飛到重慶做騷。
本刊記者獨家直擊，上周六（ 4日）早上六時半，陳豪從大埔寓所出發到深圳機場，再轉乘深圳航空到重慶做樓盤騷。雖然頻撲又辛苦，但發展商出到天價 380萬人仔（折約港幣 480萬）力邀陳豪做代言，展銷會當晚他幫手 sell客非常落力。
36小時賺幾百萬人仔，時薪超過十萬，就算撞正 Aiden滿月都局住延期啦，搵奶粉錢緊要嘛！

陳豪自去年 6月與陳茵媺結婚後，兩公婆出騷價齊齊飆升。上月榮升爸爸的陳豪密密做，大小活動未停過，無綫吸金王當之無愧。最近大陸樓盤「御龍天峰」出天價邀陳豪北上重慶出席活動兼代言，據知酬金竟達 380萬人仔，不過活動當日剛剛撞正陳豪仔 Aiden滿月，惟有延期擺酒。

(繼續閱讀...)